Ode aan het Nannielaantje

24 februari 2020, 11:31

AALTEN - De Beatles hadden hun Penny Lane maar Aalten heeft de Nanny Lane, oftewel het Nannielaantje. Reden voor Maarten Brinkman om op de melodie van Penny Lane een ode te maken aan het Nannielaantje.

Nannielaantjen

Vertaling op muziek van ‘Penny Lane’ van The Beatles

Nannielaantjen is ‘n peadjen dat löp langs ’t Smees
Vernuumd noar mevrouw Slicher van Bath
Ne familie die doar grond bezat
Rieke luu war’n dat
‘t pad begunt an d’n enen kant a’n Hessenweg
En löp hemoal deur töt an de hoartsestroat
Woar mensen zondags wandl’n goat
Met of zonder hond
altied gezond

Refrein:
Nannielaantjen breng mi’j trug weer noar mien jeugd
Zovölle mooie dingen die mien heugt
Ik zwijmel heel’moal weg
‘t Nannielaantjen hèf ne brug over de slingebeak
As kind heb ik doar nog op ’t ies gestoan
Ne poging um te schaatsen ge-doan
geleuf nie da’k ’t kon

Refrein:
Nannielaantjen breng mi’j trug weer noar mien jeugd
Vol met spölplezier en ook ondeugd
Ik zwijmel heel’moal weg

Nannielaantjen löp ok achter langs ’t vootbalveld
Op zoaterdag is’t doar ’n drukte van belang
Elken oavend bunt de lampen ook an
Dan geet ’t d’r an
Bi’j de beke is een busken met ’n vrömden bult
Noar zeggen is’t ’n burgemeistersgraf
Kleine kinder springt d’r op en dr’af
Wat ’n raren plek
best wal gek

Refrein:
Nannielaantjen breng mi’j trug weer noar mien jeugd
Zovölle mooie dingen die mien heugt
Ik zwijmel heel’moal weg
Nannielaantjen breng mi’j trug weer noar mien jeugd
Vol met spölplezier en ook ondeugd
Ik zwijmel heel’moal weg