QR-Koorts…

QR-koorts...

Naost alle virussen wiet ons inmiddels teistert he’w now ok nog ‘t QR-virus.

Niet te verwarren met de Q-koorts of d’n vogelgriep. Al bunt dee ok gin sincure. Want op zien minst quarantaine. Of arger...

Toch krig ok de QR-Koorts onderhand aardig grip op onze samenlaeving.

Meer zoiets as de Oranje- of Verkiezingskoorst. Maor dan arger!

Weliswaor is ‘t duudelijkste symptoom dat ‘t meningen en veurkeuren op scharp zet. Maor bi-j dee leste twee ‘andoeningen’ ku’j teminsen nog denken: “Na ja, met een paar waeke is’t wal weer af ez(w)akt.” Teminsen gin GGD of GGZ wiet d’r aover ‘t algemeen an te passe hoeft te kommen...

Of dat bi-j de QR-Koorts ok zo warkt is echter te beziene. Want – nog los van de Corona zelf – springt ok hiermet álle codes op minstens donkerrood.

Da’s opzich niet zo verwonderlijk uiteraard. Hóe duuvels kan een dilemma waen?! In die zin ku’j ow good veurstellen dat ‘t de meesten onderhand zwart veur de ogen wordt. Inclusief de regering en de virologen zelf.

Afijn: Hoe now wieter..?

Ku’w vervolgens natuurlijk aover de schuldvraoge blieven bekvechten. Of een bepaold geliek willen halen. Maor dat doet d’r al zat.

Zu’j misschien zeggen: “Jao, maor ‘t geet mi-j um ‘t Principe. De Ideologie!”

Da mág. Maor uut ideologieën bunt helaas nogal wat oorlaoge en afscheidingen ontstaon, he’w uut de Geschiedenis können leern.

Klunk in dit geval wallicht ok wat kort deur de bochte, maor at zélfs sommigen van onze parlementariërs al zo geveurlijk uut de bochte vliegt, beslao-j ow toch met schrik. En wordt ‘t misschien tied um de betreffenden maor’s een cursus Geweldloos Communiceern an te bie’n.

Zelf he’k ooit es een serie (spirituele) lessen evolgd, waor onder andere de vraoge wier esteld: “Wat wil i-j now eigelijk ‘t liefste; Geliek hemmen of Gelukkig waen?”

Et antwoord is nog niet zo einfach. In de praktijk althans.

Maor in elk geval he’j duudelijk een keuze…

Ankh Gussinklo

Meer berichten
 

Dagelijks het laatste nieuws in je mailbox ontvangen?

Aanmelden