Afbeelding

Lezers schrijven | Voersilo's

Algemeen

Voersilo's…

In de leste waeke(n) kwammen ze in minstens twee columns ter sprake; de transformatie van silo tut kunstwark. In beide menen ik een enigszins kritischen ondertoon te laezen. En da mag! Da's gewoon een prettige verworvenheid in ons land.
Now is mi-j een betjen “Nestiezerns chauvinisme” misschien niet vrömd, maor toch meen ik – nao grondig zelfonderzuuk – dat miene behoefte um te reageern daor niet álles met te maken hef. En ok al bun'k mi-j zeer bewust dat de betreffende columnisten meer verstand hebt van zowal kunst as geschiedenis, toch vin'k dat een kleurriek project van een innovatieve boerinne op zien minst ok een vere in't gat verdient. Waorvan Akte!

Echter dat niet allene. Pakweg 50 jaor trugge mee'k ik deel uut van de boer'ncabaretgroep De Puntensliepers (wee kennen ze niet). 't Was de tied van onder andern de ruilverkaveling; 'Waordeur het platteland steeds platter wier!', galmen wi-j op Boerengezinsdage en Oranjefeesten de leu too. Of 'dat waegens alle schaalvergroting de hoender bi-j 't eierleggen de schallen al kapotbrökken'. Ok zonge wi-j aover möllens wiet niet meer malen, maor slechts as 'bezunder arfgood' ons buutengebied opsiern. En laot now toentertied de cloe van't versjen waen dat – wie wet - “In de toekomst het publiek, naor onze voersilo's komt kieken!” Hoezó, veuruutzienden blik!?! Ik bedoel maor; al maakt ze't onderdeel van een kunstroute. Mot können…


Ankh Gussinklo

Advertenties doorgeplaatst vanuit de krant