Oecumenische dialectdienst 18 oktober

'Efkes op aosem kommen'

AALTEN - In een tied waorin van alles op een mense – én de weld - afkûmp, ku'j owzelf soms zomaor veurbi-j rennen. Of kans lopen uut 't aevenwicht te raken. Dat kan natuurlijk maor zó. Op zo'n moment is 't goed um dan opni-j weer op aosem te kommen...

Dit leste is d'n instaek van d'n oecumenischen dialectdienst op zondag 18 oktober um 9.30 uur, vanuut de Rooms Katholieke Sint Helena kerke in Aalten. An de hand van bezundere Biebelteksten en andere (wieze?) weurde en verzen, zal 't thema 'Aosem' an de orde kommen, um zodoonde te zeuken naor wat meer röst en balans in ons laeven van alledag. Maor -wee wet- ok wal meer energie, ondanks – of misschien wal dankzij? – allerhande ingriepende ontwikkelingen, dichtebi-j en wietweg… Veurgangers in 'n dienst bunt Heidi Ebbers en Hans de Graaf. Veur de muzikale invulling zorgt de groep NootZaak en organist Jan Ebbers. Ankh Gussinklo warkt op eur eigen maniere met.

De dialectdienst kan deur maximaal 30 mensen live bezocht worden. Dit kan allene a-j ow anmeldt vanaf maondag 12 oktober via ’t mailadres: website@kerkvenster.nl. In de mail kû'j angevven met hoovölle personen uut één gezin da-j hopt te kommen, of da-j allene komt. Tevens graag effen ’t telefoonnummer noteern. Ok kû-j vanaf maondag 12 november plaatsen bestellen via de webshop: www.kerkvensterwebshop.nl.

Online is de dienst rechtstreeks te volgen via kerkbeeldaalten.nl, en dan anklikken op de Olde Helenakerke. Achteraf bekieken geet ok. Gao dan op deezelfde pagina naor ’t archief van de Olde Helenakerke. A-j dat doot kriege i-j een download links onder in ’t scherm, dat kan effen duur’n en dat klik i-j dan weer an.

Meer berichten
 

Dagelijks het laatste nieuws in je mailbox ontvangen?

Aanmelden